Тиропита е популарна Грчка пита со сирење која е совршеното јадење за било кој дел од денот-дали брз појадок, необичен ручек, или одлична ужинка додека работите, нема никогаш да ви здосади.
Тиропита рецептите се различни и може да се најдат неколку подготовки, големини и облици. Која и да изберете, нема да погрешите.
Овој рецепт според мене е најлесниот за подготовка затоа што сите состојки се мешаат и потоа се пече. Има и опција со готови кори која е исто така превкусна и вреди да се испроба.
За подготовката на оваа превкусна пита, се мешаат неколку вида на сирење и кашкавал, а најважната состојка е фета сирењето. Мириса преубаво и вкусот е незаменлив. Мека и неодолива, сите од најмалите до највозрасните ќе уживаат во овој специјалитет.
Искомбинирајте си ја со салата и чаша јогурт или Ајран и стоплете се во овие студени денови!
Благодарност до @ljiljanas_kitchen за споделувањето на овој извонреден рецепт.
Тиропита Рецепт
Потребно ви е:
5 јајца
400 гр Фета сирење
200 гр Ајдамер или Гауда
200 мл павлака
200 гр брашно
1 лажичка прашок за печиво
100 мл масло за готвење
Подготовка:
Изматете ги јајцата убаво па додајте ја фетата, претходно изгмечена со вилушка. Додајте го и изренданиот кашкавал, павлаката, маслото, брашното и прашокот за печиво. Убаво измешајте со лажица да се спојат состојките и да добиете погуста смеса.
Во тавче обложено со хартија за печење или намаслено на дното и на страните, расипете ја смесата и убаво распоредете ја.
Висината на питата треба да биде околу 2 прста. Печете во загреана рерна на 200 степени Ц, околу 20 до 25 минути.
Сечете по желба и уживајте. На здравје!
Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои повеќе од 9600 членови кои споделуваат извонредни рецепти!
![Вкусен ручек за 30 минути 💚🧑🍳🥘⏰
Потребно ви е:
300 гр маринирано пилешко [1 лажичка сол, вегета, балсамико и мед. Нека отстои преку ноќ или 10 минути пред готвење.]
Останато:
4 чешниња лук, ситно сечкани
малку млад кромид, ситно исечкан
300 гр. печурки, јас користев буковка, ситно сечкани
1 црвена пиперка, бабура, сечкана
1 лажичка густин
100 мл. вода
На здравје!
#gotvimesojadranka #macedonianfoodbloggers #foodphotography #foodie #foodstagram #fastlunch #quickrecipes #quickmeals #chickenrecipes #chinesechicken #healthyfood #foodporn #easyrecipes #homemadefood #easylunch #easylunchboxes #easylunchideas #macedonia🇲🇰](https://gotvimesojadranka.net/wp-content/uploads/2022/05/474885306_18058455961980727_7820578769539588081_n.jpg)
