Дали сакате да јадете Шогетен чоколада? Дали сакате чоколадни и богати торти? Ако одговорот е да, мора да го имате овој рецепт за торта во кој ја користев токму оваа чоколада.

Ја крстив тортата Шогетен поради тоа што рецептот е за добро познатата Милка торта, но наместо Милка чоколада, јас користев Шогетен млечна чоколада и бев позитивно изненадена од тоа колку го збогатува вкусот.

Милка тортата е една од најпознатите, тоа е сигурно, и многу ја сметаат за кралица на тортите (вклучувајќи ме и мене!), но овој пат сакав да експериментирам и да ја видам разликата.

Лично, ја обожавам Шогетен млечната чоколада, но и останатите верзии како тирамису, лешник, јагода, итн. Ако сакате да ги изненадите вашите најблиски со превкусно парче торта кое ќе оди совршено со шолја кафе, оваа торта е вистинскиот избор!

Шогетен Торта Рецепт

За корите, ќе ви биде потребно:

7 белки

7 лажици шеќер

1 лажица оцет

100 грама мелени печени лешници

2 лажици презла

Изматете ги белките, шеќерот и оцетот со миксер убаво па додајте ги лешниците и презлата и изматете со лажица.

Смесата се префрла во соодветно тавче, зависно од формата која ја сакате- јас користев круг тава број 28.

Печете на 120 степени Целзиусови, 30 минути.

За филот:

1 литар млеко

300 грама шеќер

21 жолтка

2 пудинга од ванила

250 мл млеко

250 грама путер

6 кесички ванила

Подготовка:

Првин, варете 1 литар млеко со 300 грама шеќер и додајте ги претходно посебно изматените жолтки, пудинзите од ванила и 250 мл. млеко. Гответе додека смесата не згусне.

Тргнете го на страна и кога ќе се олади, додајте претходно изматен 250 грама путер со 6 кесички ванила.

Филот се дели на 3 еднакви дела.

Во првиот фил, додајте:

200 грама бела шогетен млечна чоколадa

100 грама сецкани печени лешници

Во вториот фил, додајте:

200 грама црна Шогетен чоколада со какао и лешници

Во третиот фил, додајте:

100 грама мелени печени лешници

И, посебно се матат:

2 шлагa

Филувајте вака:

Една кора

Фил број 1

1/2 од изматениот шлаг

Втора кора

Фил бр. 2

1/2 од изматениот шлаг

Трета кора

Фил број 3

Декорација:

За декорација, јас користев ганаш крем.

Ќе ви биде потребно 200 мл слатка павлака и 200 грама црна чоколада Шогетен.

Одозгора, украсив и со мешавина од ситни колачиња, како што можете да видите од сликата. Се надевам дека ќе ви се допадне !

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои прекрасни 7000 членови кои споделуваат извонредни рецепти!