Посен Колач: Медено Срце со Домашен Мармалад

Written by Gotvime so Jadranka on April 10, 2022 in Разни Десерти

Обожавам вакви брзи, едноставни и превкусни колачиња! Оваа медено срце со домашен мармалад по ваш избор (јас користев од модри сливи) ќе ве освои со првиот залак.

Премеко, пресочно и неодоливо колаче кое е совршена комбинација со попладневното кафе или чај. Ова колаче е посно така да е соодветно за сите оние кои постат периодот пред Велигден или пак оние кои се на веганска исхрана.

Го препорачувам и за помалку искусните во кујна: едноставноста на подготовката ќе ве мотивира да поминувате повеќе време во кујна и да ги подобрувате вашите кулинарски способности.

Посен Колач: Медено Срце со Домашен Мармалад

Потребно ви е:

2 чаши вода

1 и 1/2 чаша шеќер

2 и 1/2 чаши брашно

2 лажици мармалад од модри сливи

1 лажица сода бикарбона

1 кесичка цимет

2 лажици какао

Oстанати состојки:

Околу 200 гр мармалад од модри сливи

Подготовка:

View this post on Instagram

A post shared by Jadranka Veskovska (@gotvimesojadranka)

Измешајте ги шеќерот и водата па додајте ги останатите состојки (брашното последно). Измешајте со лажица или со миксер.

Во тавче премачкано со масло и со наросено брашно, префрлете половина од оваа смеса и печете ја 10 минути на 200 степени Ц.

Кога ќе го извадите од рерна, премачкајте го со 200 гр мармаладот и потоа додадете ја останатата смеса одозгора.

Враќате да се пече уште 15 минути, на 200 степени Ц.

За глазурата од чоколадо, потребно ви е:

1 чоколада за готвење

2 лажици масло

Се топат состојките и се посипува колачот одозгора.

Сечете по желба!

На здравје…

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои прекрасни 10,000+ членови кои споделуваат извонредни рецепти!

Споделете: