Новогодишните и Божиќните празници не можат да поминат без вкусен десерт, во мојот случај, тоа е домашна, празнична торта која изобилува со вкусови и текстура. Овој пат експериментирав со нов рецепт кој навистина заслужува да биде запомнет и споделен со вас.

Одличен избор за љубителите на чоколадото Најлепше Жеље како и за оние најпребирливите-сигурна сум дека ниту тие ќе можат да и одолеат! Подгответе си ја за Божиќната трпеза и уживајте во неодоливата комбинација на три кремасти филови и меки, миризливи кори!

Најкремастата Празнична Торта: Најлепше Жеље

За корите (потребни ви се 4 вакви):

4 белки

4 лажици шеќер

50 гр. печени и мелени ореви

2 лажици брашно

1/2 лажица прашок за печиво

1 лажица оцет

Подготовка:

Се матат белките со шеќерот додека не добиете цврст крем. Додајте го оцетот и продолжете да матите уште малку. Во цврстиот крем, додајте ги оревите, брашното и прашокот за печиво. Промешајте со лажица. Префрлете во тавче број 20×30. Печете 15 минути во загреана рерна на 180 степени Ц.

Фил број 1:

6 жолтки

500 мл млеко

8 лажици шеќер

6 лажици брашно

125 гр. путер или маргарин

100 гр. чоколадо Најлепше Жеље со бисквити, ситно сечкана

50 гр. мелени и печени лешници

3 кесички ванилин шеќер

Подготовка:

Жолтките, млекото, шеќерот и брашното измешајте ги убаво да се соединат. На тивок оган, постојано мешајќи, гответе околу 4 до 5 минути, да добиете густ крем. Во топлиот крем, се додава путерот и ванилиниот шеќер.

Промешајте и потоа покријте со стреч фолија и оставете да се олади на собна температура. Потоа,префрлете го кремот да отстои најмалку 2 часа во фрижидер. Кога ќе го извадите, изматете го кремот убаво со миксер и додајте ја сечканата чоколада и лешниците.

Додајте и 2 лажици од Фил број 3.

Фил бр.2:

10 жолтки

5 лажици шеќер

100 гр. Најлепше Жеље Noisette

125 гр. путер или маргарин

2 кесички ванилин шеќер

Подготовка:

Изматете ги жолтките и шеќерот со миксер и гответе на пареа или во микро да добиете густ крем. Во топлиот крем, додајте ги путерот, ванилиниот шеќер и чоколадото. Покријте со стреч фолија и оставете да се излади на собна температура.

Фил бр. 3:

2 шлаг пени изматени по упатство

За составување на тортата:

Кора

1/2 фил број 1

Тенок слој од фил број 3

Кора

Фил број 2

Тенок слој од фил број 3

Кора

1/2 фил број 1

Тенок слој од фил број 3

Кора

Декорација:

Јас користев чоколадна глазура:

100 гр. млечна Најлепше Жеље

2 лажици масло за готвење

Од страните ја премачкав со шлаг крем од ванила.

На здравје и среќни празници!

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka, придружете се на мојата ФБ група Gotvime so Jadranka која веќе брои 12,000 членови кои споделуваат извонредни рецепти и заследете ме на ТикТок (gotvimesojadranka) за интересни видеа!