22 март е еден од најубавите датуми во мојот живот затоа што е роденден на мојата помала ќерка. Секоја година се обидувам да и подарам уникатна домашна торта, па така и оваа.
Овој пат одлучивме тоа да биде преубава чоко вишна-чоколадна торта со рум и вишни: вистинско освежително и кремасто уживање!
Богата со меки кори и три преубави филови, рецептот за оваа торта морав да ја споделам со вас-од преубав пресек до извонреден вкус, причините да си ја направите се многу.
МОЖЕБИ ЌЕ ВЕ ИНТЕРЕСИРА: Капри Торта со Јагоди и Вишни
Подгответе си ја и вие и нека оваа торта и вас засекогаш ве потсетува на некој убав момент во вашиот живот.
Среќен роденден Кристина, сите желби да ти станат реалност!
Чоколадна Торта со Рум и Вишни Рецепт
За корите (4 вакви):
4 белки
5 лажици шеќер
5 лажици мелени ореви
1 лажица мелени лешници
1 лажица брашно
1 лажица оцет
Подготовка:
Се матат белките и шеќерот пенасто. Додајте го оцетот и матете уште малку. На крај, додајте ги останатите состојки и измешајте убаво со лажица.
Префрлете во тавче со димензии 20×30 или 26 цм. ако сакате да биде округла. Печете во загреана рерна на 180 степени Ц, околу 15-20 минути.
Фил бр. 1:
700 мл млеко
16 жолтки
10 лажици шеќер
8 лажици брашно
200 гр чоколадо за готвење
200 гр путер
4 кесички ванилин шеќер
2 лажици рум
Подготовка:
Млекото, шеќерот, жолтките и брашното се матат со маталка да се спојат состојките. Ставете на тивок оган и гответе околу 10 минути, мешајќи постојано, додека не добиете густ крем. Во топлиот крем, додајте ги чоколадото, путерот и ванилиниот шеќер.
Изматете убаво се да се соедини. Тргнете на страна и покријте со стреч фолија да се олади на собна температура, а потоа 2 часа да отстои во фрижидер. Кога ќе го извадите од фрижидер, додајте го румот и изматете со миксер.
Фил бр.2:
400 гр вишни
6 лажици шеќер
1 пудинг од ванила (растворен со 100 мл ладна вода)
1 желатин (измешан со 50 мл вода)
2 лажици рум
Подготовка:
Ставете ги вишните и шеќерот да се растопат на тивок оган, околу 5 минути, и додајте го пудингот. Измешајте убаво да добиете густ крем. Тргнете го топлиот крем на страна и додајте го желатинот. Убаво измешајте и додајте го румот. Нека се олади покриен со стреч фолија на собна температура.
Фил бр.3:
3 шлаг пени, изматени по упатство
Составување на тортата:
Кора
Фил бр 1
фил бр 2
Фил бр 3
Кора
Фил бр 1
Фил бр 2
Фил бр 3
Кора
Фил бр 1
Фил бр 2
Фил бр 3
Кора
Јас ја покрив тортата со чоколаден ганаш. За подготовка на истиот, потребно ви е:
300 гр. чоколадо
300 гр слатка павлака
Подготовка:
Гответе додека не почне да врие и тргнете на страна (внимавајте да не почне да врие). Промешајте убаво и ставете да се олади на собна температура, а потоа префрлете во фрижидер да отстои преку ноќ. Пред употреба, изматете со миксер.
Декорација по желба-на здравје!
МОЖЕБИ ЌЕ ВЕ ИНТЕРЕСИРА: Чоко Плазма Торта со Лешници
Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka, придружете се на мојата ФБ група Gotvime so Jadranka која веќе брои 12,000 членови кои споделуваат извонредни рецепти и заследете ме на ТикТок (gotvimesojadranka) за интересни видеа!
